Halaman Utama (/) » Iban (http://www.utusanborneo.com.my/iban) » MPP menang anugerah
kategori Laman Web 5 Bintang enggau KIK
% 2016-12-30
PADAWAN: Opis Kunsil Kandang Padawan (MPP) menang dua gelar ba Anugerah 5 Bintang Portal enggau Laman Web Ejensi Perintah Nengeri Sarawak ke diatur kena 19 Disember tu tadi.
Mansutka penerang nya, Chairman MPP Lo Khere Chiang madah MPP menang ba kategori Laman Web 5 Bintang enggau Anugerah Inovatif sereta Kreatif (KIK).
“Laman web opis kunsil di beri gelar pemadu nyulut ungkup kategori Laman Web 5 Bintang 2015 Perintah Nenegri Sarawak.
“Tim ari MPP bisi mega enggau ba Konvensyen KIK ke diatur di Sibu ba bulan Oktober 2016 lalu sida menang gelar 3 bintang Pyramid V2,” ku Lo ba aum pengarang berita kemari.
Iya ke mega Kaban Kunsil Nengeri (ADUN) Batu Kitang madah gelar nya disua Sekretari Perintah Nengeri Tan Sri Datuk Amar Mohamad Morshidi Abdul Ghani.
Lo nambah, ungkup taun 2017 MPP keran deka nyendia servis enggau sistem ke manah agi enti dibanding enggau 2015.
Iya pechaya nengah sukung enggau saup rayat, juluk nya ulih dijapai.
“Kitai deka bebendar nguji lalu nengah kerejasama ari rayat semua pemar enbggau penanggul ke ditapi MPP sigi ulih diputar,” ku iya.
Ngenang kaul bukai, kaban kunsil MPP Wilfred Yap minta kerejasama semua orang bedaja dalam kandang kuasa MPP ngambi sama bela ngintu pemeresi.
Ku iya, MPP nerima mayuh sebana ari orang bedaja ti madah bekal ai ke disedia ba palan bedaja enda chukup kuat.
“Ke amat ukai ketegal bekal ai enda chukup kuat, ulah orang bedaja ti enda kiruh ngintu pemeresi nyadi pun penusah,” ku iya.
Wilfred nambah enti jemah ila orang bedaja mengkang enda ngintu pemeresi nitihka pematut, lisin dagang sida engka enda dikemaru.
Bela datai Sapit Chairman MPP Datuk Ahmad Ibrahim.
% 2016-12-30
PADAWAN: Opis Kunsil Kandang Padawan (MPP) menang dua gelar ba Anugerah 5 Bintang Portal enggau Laman Web Ejensi Perintah Nengeri Sarawak ke diatur kena 19 Disember tu tadi.
Mansutka penerang nya, Chairman MPP Lo Khere Chiang madah MPP menang ba kategori Laman Web 5 Bintang enggau Anugerah Inovatif sereta Kreatif (KIK).
“Laman web opis kunsil di beri gelar pemadu nyulut ungkup kategori Laman Web 5 Bintang 2015 Perintah Nenegri Sarawak.
“Tim ari MPP bisi mega enggau ba Konvensyen KIK ke diatur di Sibu ba bulan Oktober 2016 lalu sida menang gelar 3 bintang Pyramid V2,” ku Lo ba aum pengarang berita kemari.
Iya ke mega Kaban Kunsil Nengeri (ADUN) Batu Kitang madah gelar nya disua Sekretari Perintah Nengeri Tan Sri Datuk Amar Mohamad Morshidi Abdul Ghani.
Lo nambah, ungkup taun 2017 MPP keran deka nyendia servis enggau sistem ke manah agi enti dibanding enggau 2015.
Iya pechaya nengah sukung enggau saup rayat, juluk nya ulih dijapai.
“Kitai deka bebendar nguji lalu nengah kerejasama ari rayat semua pemar enbggau penanggul ke ditapi MPP sigi ulih diputar,” ku iya.
Ngenang kaul bukai, kaban kunsil MPP Wilfred Yap minta kerejasama semua orang bedaja dalam kandang kuasa MPP ngambi sama bela ngintu pemeresi.
Ku iya, MPP nerima mayuh sebana ari orang bedaja ti madah bekal ai ke disedia ba palan bedaja enda chukup kuat.
“Ke amat ukai ketegal bekal ai enda chukup kuat, ulah orang bedaja ti enda kiruh ngintu pemeresi nyadi pun penusah,” ku iya.
Wilfred nambah enti jemah ila orang bedaja mengkang enda ngintu pemeresi nitihka pematut, lisin dagang sida engka enda dikemaru.
Bela datai Sapit Chairman MPP Datuk Ahmad Ibrahim.
No comments:
Post a Comment