Halaman Utama (/) » Iban (http://www.utusanborneo.com.my/iban) » Gawai Dayak besai reti ba
raban bansa Dayak di S’wak
2014-06-29
Dikarang Chris Bishop //
KUCHING: Pengerami Gawai mantu ngenanka adat enggau main asal bansa Dayak ngambika diperetika nembiak rebak baru.
Menteri Muda Pengerai Mensia Mayuh Datuk Dr Jerip Susil madah adat enggau main asal tiap bansa Dayak baikka nya Iban, Bidayuh sereta Orang Ulu bebida lalu semua bida nya ulih dipeda maya ngintu Hari Gawai.
“Maya kitai ngintu Hari Gawai, bansa pemakai, ngepan enggau chara pengidup ke nyadi sebengkah ari adat enggau main asal tiap bansa Dayak ulih dipeda.
“Ari nya tadi kitai, kelebih agi raban nembiak rebak baru ulih ngelala identiti bansa diri baikka nya ngarika Dayak Iban, Bidayuh tauka orang Ulu,’ku iya.
Iya mansutka jaku tu ba pengerami ngintu Hari Gawai Opis 2014 Kunsil Kandang Padawan (MPP) di laman begunan ejensi nya ditu, malam ensanus.
Iya ke mega kaban Kunsil Nengeri (ADUN) Bengoh madah pengerami gawai mai reti ke besai ngagai bansa Dayak di Sarawak lalu bela dikerami bansa bukai.
Ku iya, pekara nya mandangka Hari Gawai diintu sereta nerima sukung ari semua komuniti.
“Adat enggau main asal mandangka identiti tiap bansa Dayak lalu nya meh pekara pemadu berat ti deka dinan peranak Dayak,’ku iya.
MPP ngatur pengarami ngintu Hari Gawai ninting taun enggau tuju ngedutka kaul entara ejensi begulai enggau komuniti kelebih agi orang ke diau dalam kandang Padawan.
Bela datai Chairman MPP Lo Khere Chiang, sapit chairman Dr Zaidi Suhaili, sekretari MPP micheal sawing, raban konselar enggau orang bukai.
2014-06-29
Dikarang Chris Bishop //
KUCHING: Pengerami Gawai mantu ngenanka adat enggau main asal bansa Dayak ngambika diperetika nembiak rebak baru.
Menteri Muda Pengerai Mensia Mayuh Datuk Dr Jerip Susil madah adat enggau main asal tiap bansa Dayak baikka nya Iban, Bidayuh sereta Orang Ulu bebida lalu semua bida nya ulih dipeda maya ngintu Hari Gawai.
“Maya kitai ngintu Hari Gawai, bansa pemakai, ngepan enggau chara pengidup ke nyadi sebengkah ari adat enggau main asal tiap bansa Dayak ulih dipeda.
“Ari nya tadi kitai, kelebih agi raban nembiak rebak baru ulih ngelala identiti bansa diri baikka nya ngarika Dayak Iban, Bidayuh tauka orang Ulu,’ku iya.
Iya mansutka jaku tu ba pengerami ngintu Hari Gawai Opis 2014 Kunsil Kandang Padawan (MPP) di laman begunan ejensi nya ditu, malam ensanus.
Iya ke mega kaban Kunsil Nengeri (ADUN) Bengoh madah pengerami gawai mai reti ke besai ngagai bansa Dayak di Sarawak lalu bela dikerami bansa bukai.
Ku iya, pekara nya mandangka Hari Gawai diintu sereta nerima sukung ari semua komuniti.
“Adat enggau main asal mandangka identiti tiap bansa Dayak lalu nya meh pekara pemadu berat ti deka dinan peranak Dayak,’ku iya.
MPP ngatur pengarami ngintu Hari Gawai ninting taun enggau tuju ngedutka kaul entara ejensi begulai enggau komuniti kelebih agi orang ke diau dalam kandang Padawan.
Bela datai Chairman MPP Lo Khere Chiang, sapit chairman Dr Zaidi Suhaili, sekretari MPP micheal sawing, raban konselar enggau orang bukai.
No comments:
Post a Comment