Halaman Utama (/) » Iban (http://www.utusanborneo.com.my/iban) » Lo ngungkupka RM25,000
ngagai Kpg Paya Mebi
Utusan Borneo Online 2017-02-20
Ahmad (dua kiba), Ismail (kiba), Shamsudin (tiga kiba) sereta pengari penerima nunjukka chek agih belanja ke diberi Lo.
TERIMA KASIH YB: Ahmad (dua kiba), Ismail (kiba), Shamsudin (tiga kiba) sereta pengari penerima nunjukka chek agih belanja ke diberi Lo.
KUCHING: Kaban Kunsil Nengeri (ADUN) Batu Kitang Lo Khere Chiang udah ngungkupka agih belanja penyampau RM25,000 ngagai Kampung Paya Mebi, kemari.
Agih belanja nya disua Ketuai Parti Pesaka Bumiputera Bersatu (PBB) Pampang Batu Kawa Datuk Ahmad Ibrahim ti ngarika Lo beserimbai enggau Program Nanggam Pemanah Kaul ba Kampung Paya Mebi ditu.
Nitih ku Ahmad, ari penyampau nya, RM10,000 diagih ungkup Komiti Pemansang Enggau Pengelikun Genturung Pendiau (JKKK) Kampung Paya Mebi dikena bejalaika program mantu peranak iya.
Kelimpah ari nya, ku iya, Lo ke nyadi Chairman Kaunsil Mengeri Padawan (MPP) mega ngagihka penyampau RM10,000 dikena meli kereban enggau perengka dikena ba balai tumpuk pendiau nya.
Ahmad ke mega Sapit Chairman MPP nampung, sepenyampau RM3,000 diberi ngagai Sekula Primari (SK) Paya Mebi ungkup belanja sekula.
Berebak enggau nya, ku iya, Lo mega siruka pekara pelajar tumu bala nembiak mit ba tumpuk pendiau nya lebuh meri RM2,000 ngagai Tabika Kemas Kampung Paya Mebi.
Program nyuaka agih belanja bela dikemata Ketuai Raban Bansa Kampung Paya Mebi Ismail Tangok, Kepala Pengajar SK Paya Mebi Hayati Junid enggau Chairman Serakup Apai Indai Enggau Pengajar (PIBG) SK Paya Mebi Shamsudin Unai.
Utusan Borneo Online 2017-02-20
Ahmad (dua kiba), Ismail (kiba), Shamsudin (tiga kiba) sereta pengari penerima nunjukka chek agih belanja ke diberi Lo.
TERIMA KASIH YB: Ahmad (dua kiba), Ismail (kiba), Shamsudin (tiga kiba) sereta pengari penerima nunjukka chek agih belanja ke diberi Lo.
KUCHING: Kaban Kunsil Nengeri (ADUN) Batu Kitang Lo Khere Chiang udah ngungkupka agih belanja penyampau RM25,000 ngagai Kampung Paya Mebi, kemari.
Agih belanja nya disua Ketuai Parti Pesaka Bumiputera Bersatu (PBB) Pampang Batu Kawa Datuk Ahmad Ibrahim ti ngarika Lo beserimbai enggau Program Nanggam Pemanah Kaul ba Kampung Paya Mebi ditu.
Nitih ku Ahmad, ari penyampau nya, RM10,000 diagih ungkup Komiti Pemansang Enggau Pengelikun Genturung Pendiau (JKKK) Kampung Paya Mebi dikena bejalaika program mantu peranak iya.
Kelimpah ari nya, ku iya, Lo ke nyadi Chairman Kaunsil Mengeri Padawan (MPP) mega ngagihka penyampau RM10,000 dikena meli kereban enggau perengka dikena ba balai tumpuk pendiau nya.
Ahmad ke mega Sapit Chairman MPP nampung, sepenyampau RM3,000 diberi ngagai Sekula Primari (SK) Paya Mebi ungkup belanja sekula.
Berebak enggau nya, ku iya, Lo mega siruka pekara pelajar tumu bala nembiak mit ba tumpuk pendiau nya lebuh meri RM2,000 ngagai Tabika Kemas Kampung Paya Mebi.
Program nyuaka agih belanja bela dikemata Ketuai Raban Bansa Kampung Paya Mebi Ismail Tangok, Kepala Pengajar SK Paya Mebi Hayati Junid enggau Chairman Serakup Apai Indai Enggau Pengajar (PIBG) SK Paya Mebi Shamsudin Unai.
No comments:
Post a Comment