Halaman Utama (/) » Iban (http://www.utusanborneo.com.my/iban) » Perundingka chara baru
ngenan main asal Dayak
Utusan Borneo Online: 2017-04-18 oleh Chris Bishop
Tu tanggungpengawa ke berat laban main asal endang kelai penatai sesebengkah bansa, ku Ir. Lo
KUCHING: Bansa Dayak meseti berundingka chara baru ke ulih nyaup ngenan main asal bansa diri,ku Kaban Kunsil Nengeri (ADUN) Batu Kitang Ir. Lo Khere Chiang.
Bejaku rambau ngelanchar kelas Ngajat Akademi Serakup Dayak Iban Sarawak (ASADIA) pampang RPR Landeh malam ensanus, iya madah pengawa nya berat ketegal main asal nya nyadika kelai penatai sesebengkah bansa.
“Main asal tetiap bansa maya diatu nyau majak lenyau ketegal gaya pengidup ti majak berubah.
“Enti kitai betabuh ba genturung berumah udah tentu deka ngasuh orang ke berimbai enggau kitai ti deka belelak enda lantang.
“Pengelenyau main asal mega ketegal pengiruh bala nembiak maya ke diatu ti lebih rinduka main moden ke bisi ayan ba internet tauka ba dalam telefon pintar sida,”ku iya.
Berindik enggau nya, iya muji inisiatif ke diadu unit main asal SADIA ti betuaika Mabong Unggang ke udah numbuhka ASADIA ti nyendia kelas ngajat.
Iya pechaya kelas ngajat ulih matak bansa Dayak rinduka main asal diri.
“Lenyau main asal, lenyau mih identiti Iban, Bidayuh sereta Orang Ulu,’ku iya seraya madah main asal mega ulih ngangkatka penyerakup entara pupu bansa di nengeri tu.
Ngenang kaul ke sama, Lo besemaya deka mantu enggau naka ulih ngidupka main asal di RPR Landeh lalu ngarap sida ulih numbuhka seiti tim main asal baka ka tim ngajat, betabuh, gendang pampat sereta ke bukai.
Kelimpah ari nya ku iya, main asal mega ulih nyadi sebengkah industri ti tau nambah penatai pemisi. Ku iya, main asal ulih nyadi produk dagang temuai ke alai perengka ke diguna ba pekayan ulih dijual. Ba pengawa nya, Lo bisi nyuaka setipikit tembu kelas ngajat ngagai 19 iku penyereta ari RPR landeh. Bela datai Presiden SADIA Sidi Munan enggau Tuai Rumah Mansur(RPR Landeh).
Utusan Borneo Online: 2017-04-18 oleh Chris Bishop
Tu tanggungpengawa ke berat laban main asal endang kelai penatai sesebengkah bansa, ku Ir. Lo
KUCHING: Bansa Dayak meseti berundingka chara baru ke ulih nyaup ngenan main asal bansa diri,ku Kaban Kunsil Nengeri (ADUN) Batu Kitang Ir. Lo Khere Chiang.
Bejaku rambau ngelanchar kelas Ngajat Akademi Serakup Dayak Iban Sarawak (ASADIA) pampang RPR Landeh malam ensanus, iya madah pengawa nya berat ketegal main asal nya nyadika kelai penatai sesebengkah bansa.
“Main asal tetiap bansa maya diatu nyau majak lenyau ketegal gaya pengidup ti majak berubah.
“Enti kitai betabuh ba genturung berumah udah tentu deka ngasuh orang ke berimbai enggau kitai ti deka belelak enda lantang.
“Pengelenyau main asal mega ketegal pengiruh bala nembiak maya ke diatu ti lebih rinduka main moden ke bisi ayan ba internet tauka ba dalam telefon pintar sida,”ku iya.
Berindik enggau nya, iya muji inisiatif ke diadu unit main asal SADIA ti betuaika Mabong Unggang ke udah numbuhka ASADIA ti nyendia kelas ngajat.
Iya pechaya kelas ngajat ulih matak bansa Dayak rinduka main asal diri.
“Lenyau main asal, lenyau mih identiti Iban, Bidayuh sereta Orang Ulu,’ku iya seraya madah main asal mega ulih ngangkatka penyerakup entara pupu bansa di nengeri tu.
Ngenang kaul ke sama, Lo besemaya deka mantu enggau naka ulih ngidupka main asal di RPR Landeh lalu ngarap sida ulih numbuhka seiti tim main asal baka ka tim ngajat, betabuh, gendang pampat sereta ke bukai.
Kelimpah ari nya ku iya, main asal mega ulih nyadi sebengkah industri ti tau nambah penatai pemisi. Ku iya, main asal ulih nyadi produk dagang temuai ke alai perengka ke diguna ba pekayan ulih dijual. Ba pengawa nya, Lo bisi nyuaka setipikit tembu kelas ngajat ngagai 19 iku penyereta ari RPR landeh. Bela datai Presiden SADIA Sidi Munan enggau Tuai Rumah Mansur(RPR Landeh).
No comments:
Post a Comment