Halaman Utama (/) » Iban (http://www.utusanborneo.com.my/iban) » Niang Temenggong Datuk
James Jimbun ketuai Iban ke tebilang
Utusan Borneo Online: 2017-04-22
KUCHING: Chairman Opis Kunsil Kandang Padawan (MPP) Ir. Lo Khere Chiang netapka niang Temenggong Datuk James Jimbun Pungga seiku ketuai Iban ke tebilang.
“Ditinggal seiku orang ti dikesayau ukai pekara mudah, tang nemu diri kala nyadi sebagi ba pengidup orang nya ngujungka kitai ngasaika diri chukup betuah ketegal ti ulih bekunsi pengidup sebedau iya ngejang.
Lo ke mega kaban Kunsil Nengeri (ADUN) Batu Kitang bela ngenataika penyinu ngagai Datin Senorita Linang ti ditinggalka laki iya.
Jimbun ,77, ke kala nyadi Kaban Parlimen (MP) Kapit pengelama 3 renggat midang di Sepital Serdang Selangor tumu pagi Hari Dua tu tadi.
Tubuh iya sangkai di Kuching kena Hari Tiga lalu diintu di rumah iya di Lurung Wan Alwi ditu ngambika ulih meri awak ngagai raban ruang bilik, bala kaling enggau mensia mayuh meri basa ke penudi.
Pengawa sembiang deka diatur di Gerija St Faith, Kenyalang Park urung pukul 1 ngalih hari ila (sehari tu) sebedau dibai ke Pendam Anglika Batu Kitang.
Jimbun kala nyadi Kaban Kunsil Besai Parti Pesaka Bumiputera Bersatu (PBB) sereta nyadi Chairman PBB pampang Baleh ari 1986 nyentuk ngagai 1999.
Iya nerima tanda pangkat ‘Darjah Yang Amat Mulia Bintang Sarawak’ ke mai gelar ‘Dato’ kena 16 Oktober 2010.
Iya mega nyadi kaban seumur idup Ejensi Pemunas Gian Dadah Menua (Pemadam) sereta kaban Sarawak Dayak National Union (SDNU), Serakup Dayak Iban Sarawak(Sadia) enggau Kort Apil Bansa Asal kelimpah ti nyadi penyanding penemu Komiti Pengintu Pengelantang enggau Raban Ketuai Iban, Kolej Komuniti Kuching enggau Kunsil Penyanding Penemu Main Asal ke dikuasa Opis Pemansang Rama.
Utusan Borneo Online: 2017-04-22
KUCHING: Chairman Opis Kunsil Kandang Padawan (MPP) Ir. Lo Khere Chiang netapka niang Temenggong Datuk James Jimbun Pungga seiku ketuai Iban ke tebilang.
“Ditinggal seiku orang ti dikesayau ukai pekara mudah, tang nemu diri kala nyadi sebagi ba pengidup orang nya ngujungka kitai ngasaika diri chukup betuah ketegal ti ulih bekunsi pengidup sebedau iya ngejang.
Lo ke mega kaban Kunsil Nengeri (ADUN) Batu Kitang bela ngenataika penyinu ngagai Datin Senorita Linang ti ditinggalka laki iya.
Jimbun ,77, ke kala nyadi Kaban Parlimen (MP) Kapit pengelama 3 renggat midang di Sepital Serdang Selangor tumu pagi Hari Dua tu tadi.
Tubuh iya sangkai di Kuching kena Hari Tiga lalu diintu di rumah iya di Lurung Wan Alwi ditu ngambika ulih meri awak ngagai raban ruang bilik, bala kaling enggau mensia mayuh meri basa ke penudi.
Pengawa sembiang deka diatur di Gerija St Faith, Kenyalang Park urung pukul 1 ngalih hari ila (sehari tu) sebedau dibai ke Pendam Anglika Batu Kitang.
Jimbun kala nyadi Kaban Kunsil Besai Parti Pesaka Bumiputera Bersatu (PBB) sereta nyadi Chairman PBB pampang Baleh ari 1986 nyentuk ngagai 1999.
Iya nerima tanda pangkat ‘Darjah Yang Amat Mulia Bintang Sarawak’ ke mai gelar ‘Dato’ kena 16 Oktober 2010.
Iya mega nyadi kaban seumur idup Ejensi Pemunas Gian Dadah Menua (Pemadam) sereta kaban Sarawak Dayak National Union (SDNU), Serakup Dayak Iban Sarawak(Sadia) enggau Kort Apil Bansa Asal kelimpah ti nyadi penyanding penemu Komiti Pengintu Pengelantang enggau Raban Ketuai Iban, Kolej Komuniti Kuching enggau Kunsil Penyanding Penemu Main Asal ke dikuasa Opis Pemansang Rama.
No comments:
Post a Comment