Halaman Utama (/) » Iban (http://www.utusanborneo.com.my/iban) » Borneo Highlands Padawan
Nature Challenge pelasar pematak temuai
2014-04-26
KUCHING: Borneo Highlands Padawan Nature Challenge 2014 disadang ulih matak mayuh agi penyereta tauka temuai, sereta ngangkatka industri dagang temuai di kandang menua Padawan.
Chairman Majlis Perbandaran Padawan (MPP), Lo Khere Chiang madahka nya berindik ari timbal enggau peminta ari orang mayuh.
Borneo Highland Padawan Nature Challenge 2014 deka diatur kena 22 Jun pukul 3 lemai di Borneo Highlands Resort enggau Genturung Pendiau Annah Rais, Padawan.
Program tu lama udah dipejalaika ti berengkah enggau penyereta ke mimit, tang dalam kandang dua taun ke udah, penyampau penyereta nya bisi nambah ngelui 100 iku. Taun seiti nyin kemari, bisi urung 230 iku penyereta, nyengkaum ari Semenanjung Malaysia, pia ku Lo.
“Taun tu, kami deka bebendar matak sereta arap tejapaika tagit ngelui ari 230 iku penyereta (Borneo Highlands Padawan Nature Challenge 2014). Kebuah pia, laban kami bedau agi madahka pasal atur program tu, tang udah bisi orang telefon nanya pasal tu.
“Tuju kami ngatur program tu endang dikena matak penatai mayuh agi temuai sekalika ari luar tauka dalam nengeri, ngambika masuk program tu”.
“Kami arapka program tu ulih dipasukka dalam kalender (dagang temuai) menua,” ku iya.
Lo mansutka pekara nya lebuh ti meri penemuai basa ngagai Menteri Dagang Temuai Datuk Amar abang Johari Tun Opis di Wisma Sultan Tengah, Petra Jaya ditu kemari.
Berebak enggau nya, Lo madahka penemuai ngagai Abang Johari endang deka nerangka pasal program sereta minta Abang Johari nyadi temuai dipebasa ba hari program nya diatur ila.
“Pagi tu aku ngarika raban kami nyuaka surat ngagai Datuk Amar, iya nya surat keterubah minta iya nyadi temuai dipebasa ngulu pengerami kena 22 Jun (Hari Minggu) pukul 3 lemai lalu surat ti kedua nerangka pasal pengerami nya sereta minta dipelanja,” ku iya.
Borneo Highlands Padawan Nature Challenge 2014 iya ensikal enggau trekking dalam mayuh macham kategori ungkup orang ti rinduka utai asal enggau rampa menua.
Tuju program nya mega dikena ngelakuka kandang Padawan (nyengkaum Borneo Highlands) ngambika ulih nyadi eco-adventure dagang temuai sereta dikena ngerapitka kaul entara sektor perintah enggau peribit dalam pengawa ngelakuka eko-dagang temuai di Sarawak.
Borneo Highlands Padawan Nature Challenge 2014 diatur Majlis Perbandaran Padawan begempung enggau Borneo Highlands Resorts.
Sama bisi enggau meri penemuai basa nya kemari, Menijer Resort, Borneo Highlands Resort Muhammad Syafiq Nair enggau sekeda bala bukai.
2014-04-26
KUCHING: Borneo Highlands Padawan Nature Challenge 2014 disadang ulih matak mayuh agi penyereta tauka temuai, sereta ngangkatka industri dagang temuai di kandang menua Padawan.
Chairman Majlis Perbandaran Padawan (MPP), Lo Khere Chiang madahka nya berindik ari timbal enggau peminta ari orang mayuh.
Borneo Highland Padawan Nature Challenge 2014 deka diatur kena 22 Jun pukul 3 lemai di Borneo Highlands Resort enggau Genturung Pendiau Annah Rais, Padawan.
Program tu lama udah dipejalaika ti berengkah enggau penyereta ke mimit, tang dalam kandang dua taun ke udah, penyampau penyereta nya bisi nambah ngelui 100 iku. Taun seiti nyin kemari, bisi urung 230 iku penyereta, nyengkaum ari Semenanjung Malaysia, pia ku Lo.
“Taun tu, kami deka bebendar matak sereta arap tejapaika tagit ngelui ari 230 iku penyereta (Borneo Highlands Padawan Nature Challenge 2014). Kebuah pia, laban kami bedau agi madahka pasal atur program tu, tang udah bisi orang telefon nanya pasal tu.
“Tuju kami ngatur program tu endang dikena matak penatai mayuh agi temuai sekalika ari luar tauka dalam nengeri, ngambika masuk program tu”.
“Kami arapka program tu ulih dipasukka dalam kalender (dagang temuai) menua,” ku iya.
Lo mansutka pekara nya lebuh ti meri penemuai basa ngagai Menteri Dagang Temuai Datuk Amar abang Johari Tun Opis di Wisma Sultan Tengah, Petra Jaya ditu kemari.
Berebak enggau nya, Lo madahka penemuai ngagai Abang Johari endang deka nerangka pasal program sereta minta Abang Johari nyadi temuai dipebasa ba hari program nya diatur ila.
“Pagi tu aku ngarika raban kami nyuaka surat ngagai Datuk Amar, iya nya surat keterubah minta iya nyadi temuai dipebasa ngulu pengerami kena 22 Jun (Hari Minggu) pukul 3 lemai lalu surat ti kedua nerangka pasal pengerami nya sereta minta dipelanja,” ku iya.
Borneo Highlands Padawan Nature Challenge 2014 iya ensikal enggau trekking dalam mayuh macham kategori ungkup orang ti rinduka utai asal enggau rampa menua.
Tuju program nya mega dikena ngelakuka kandang Padawan (nyengkaum Borneo Highlands) ngambika ulih nyadi eco-adventure dagang temuai sereta dikena ngerapitka kaul entara sektor perintah enggau peribit dalam pengawa ngelakuka eko-dagang temuai di Sarawak.
Borneo Highlands Padawan Nature Challenge 2014 diatur Majlis Perbandaran Padawan begempung enggau Borneo Highlands Resorts.
Sama bisi enggau meri penemuai basa nya kemari, Menijer Resort, Borneo Highlands Resort Muhammad Syafiq Nair enggau sekeda bala bukai.
No comments:
Post a Comment