Halaman Utama (/) » Iban (http://www.utusanborneo.com.my/iban) » MPP besemaya mutarka sebana
mensia mayuh, ku Lo
Utusan Borneo Online: 2015-02-27
KUCHING: Opis Kaunsil Kandang Bandar Padawan (MPP) deka nentuka Trienekens (Sarawak) bejalaika tanggungpengawa ngumpul uras nitihka pematut lalu ngipakka penyampau RM8 juta ke dibayar ninting taun ungkup pengawa nya.
Chairman MPP Ir Lo Khere Chiang madah, opis tu udah mayuh nerima sebana ari mensia sentang penusah uras enda digumpul ba kandang endur ke dikuasa MPP.
“Sebana tu didinga pengudah mensia mayuh enda tepantup ati enggau tikas servis ke diberi Trienekens ke alai uras ba sekeda kandang endur enda digumpul nitih timpuh.
“Berindik ari nya, MPP deka ngansak sereta nentuka kompeni nya ulih meri servis, ukai semina manah tang nyendiaka servis ti ngemantupka ati mensia mayuh.
“Pekara tu berat ketegal kitai deka meda penyampau RM700,000 ke dibayar MPP ninting bulan tauka urung RM8 juta ninting taun ngipakka servis ke disedia Trienekens,” ku iya.
Iya mansutka jaku tu ba sebengkah aum pengarang berita pengudah ngulu Aum Penuh Ninting Bulan MPP ke diatur ba Indu Opis MPP Batu 10 ditu, kemari.
Sebanaka pekara ke nyadi, Lo madah, nyauka ninting hari bisi didinga, ke alai Opis Audit mega bisi udah betalatka tikas pemanah servis ari kompeni nya.
“Opis Audit bisi nibarka tanya ngagai MPP sekalika tikas servis ke diberi Trienekens ngipakka penyampau ke dibayar ninting taun,” ku iya seraya madah, tebal agi sebana datai ari kandang menua pesisir.
Ngenang kaul bukai, Lo madah, MPP deka ngemanah perengka guna ke udah rusak ketegal ampuh bah bedau lama tu tadi nengah atur bererenggat.
Berindik ari nya, Iya ngansak mensia mayuh ke bisi betapi enggau penanggul nya ulih besabar ke alai MPP angkun nentuka semua perengka ke rusak dikemanah baru.
Lo madah, lumur hotline MPP 013-8025566 mengkang dibuka 24 jam ungkup orang ti deka ngenataika sebana.
“Sebana mega tau dikenatai ngagai laman Siber. Nengah chara tu mensia mayuh ulih nyaup MPP ngangkatka tikas pemanah servis ke diberi ngagai rayat,” ku iya.
Bela datai Sapit Chairman MPP Dr Zaiedi Suhaili enggau Sekretari Besai Raban Nembiak SUPP Wilfred Yap.
Utusan Borneo Online: 2015-02-27
KUCHING: Opis Kaunsil Kandang Bandar Padawan (MPP) deka nentuka Trienekens (Sarawak) bejalaika tanggungpengawa ngumpul uras nitihka pematut lalu ngipakka penyampau RM8 juta ke dibayar ninting taun ungkup pengawa nya.
Chairman MPP Ir Lo Khere Chiang madah, opis tu udah mayuh nerima sebana ari mensia sentang penusah uras enda digumpul ba kandang endur ke dikuasa MPP.
“Sebana tu didinga pengudah mensia mayuh enda tepantup ati enggau tikas servis ke diberi Trienekens ke alai uras ba sekeda kandang endur enda digumpul nitih timpuh.
“Berindik ari nya, MPP deka ngansak sereta nentuka kompeni nya ulih meri servis, ukai semina manah tang nyendiaka servis ti ngemantupka ati mensia mayuh.
“Pekara tu berat ketegal kitai deka meda penyampau RM700,000 ke dibayar MPP ninting bulan tauka urung RM8 juta ninting taun ngipakka servis ke disedia Trienekens,” ku iya.
Iya mansutka jaku tu ba sebengkah aum pengarang berita pengudah ngulu Aum Penuh Ninting Bulan MPP ke diatur ba Indu Opis MPP Batu 10 ditu, kemari.
Sebanaka pekara ke nyadi, Lo madah, nyauka ninting hari bisi didinga, ke alai Opis Audit mega bisi udah betalatka tikas pemanah servis ari kompeni nya.
“Opis Audit bisi nibarka tanya ngagai MPP sekalika tikas servis ke diberi Trienekens ngipakka penyampau ke dibayar ninting taun,” ku iya seraya madah, tebal agi sebana datai ari kandang menua pesisir.
Ngenang kaul bukai, Lo madah, MPP deka ngemanah perengka guna ke udah rusak ketegal ampuh bah bedau lama tu tadi nengah atur bererenggat.
Berindik ari nya, Iya ngansak mensia mayuh ke bisi betapi enggau penanggul nya ulih besabar ke alai MPP angkun nentuka semua perengka ke rusak dikemanah baru.
Lo madah, lumur hotline MPP 013-8025566 mengkang dibuka 24 jam ungkup orang ti deka ngenataika sebana.
“Sebana mega tau dikenatai ngagai laman Siber. Nengah chara tu mensia mayuh ulih nyaup MPP ngangkatka tikas pemanah servis ke diberi ngagai rayat,” ku iya.
Bela datai Sapit Chairman MPP Dr Zaiedi Suhaili enggau Sekretari Besai Raban Nembiak SUPP Wilfred Yap.
No comments:
Post a Comment