Halaman Utama (/) » Iban (http://www.utusanborneo.com.my/iban) » MPP begunaka ungkup belanja
lebih
2015-04-19
KUCHING: Majlis Perbandaran Padawan (MPP) minta ungkup belanja lebih ngagai perintah besai dikena ngemanahka agi sistem parit ba kandang menua ke ari baruh kaunsil nya (MPP).
Presiden SUPP Senator Datuk Dr. Sim Kui Hian madah, perintah besai patut ulih meri belanja lebih ngagai MPP beduduk ari kandang endur ke dipegai MPP tiga kali lipat besai ari MBKS enggau DBKU.
Iya madahka ngena ungkup belanja ke diberi ninting taun ngagai MPP, nya enda umbas dikena ngemanahka infrastruktur ba semua kandang menua ke dipegai iya.
“Kami begunaka saup ari perintah besai baka mantu ngemanahka sistem parit ba kandang endur Gerija Katolik St Ann ditu, laban tu ari baruh tanggungpengawa MPP,ukai gerija.
“Kami deka minta belanja ngagai opis ti bekaul baka opis entali ai enggau parit, mantu mutarka penanggul sistem parit ba kandang endur tu.
“Ambika banding dikena ngemanahka sistem parit ba kandang gerija tu aja kitai begunaka RM2 miliun, enti sistem parit tu ulih dikemanahka dia penanggul ampuh bah ngelingi gereja sereta genturung pendiau ditu ulih diputarka,” ku iya.
Dr. Sim mansutka pekara tu ba aum pengarang berita ti diatur ba Gerija Katolik St. Ann, Batu 10, Padawan ditu, ke alai dulu ari nya iya disempulang Chairman MPP Lo Khere Chiang ngabas palan baru Gerija St Ann nya kemari.
Nambahka nya, Lo dalam aum pengarang berita nya amat ngarapka MPP ulih diungkupka belanja lebih, laban belanja ke diagih ngagai MPP ninting taun enda chukup dikena ngemansang sereta mutarka penanggul ba kandang endur ke dipegai iya.
“Diatu kami amat begunaka belanja urung RM2 miliun dikena ngemanahka sistem parit ngelingi gereja tu, laban enti parit besai tu udah dikemanah, dia penanggul ampuh bah ngelingi gerija sereta genturung pendiau ditu deka teputar,” ku iya.
Ngenang pasal gerija baru St Ann nya, Lo madahka diri temegah ati ngagai semua orang ti bekaul enggau ngemajuka gerija ti udah diperambu dalam kandang semilan taun ke udah.
“Runding sereta perambu deka ngaga gerija baru tu udah bisi kenyau ari taun 2006 tang semina diatu udah nyata beduduk ari sukung enggau tulung semua nyengkaum kaban gerija tu empu ti sama enggau begigaka belanja.
“Ungkus dikena ngaga gerija baru tu iya nya RM12.5 miliun. Diatu kitai enda chukup belanja urung RM5 miliun,” ku iya seraya madahka urung 2,000 iku raban Keristin ti ngelinggi kandang endur nya besembiang ngagai gerija nya.
Gerija baru St Ann nya ti beungkus RM12.5 miliun digaga dalam timpuh 18 bulan,
berengkah digaga kena 17 September 2014 sereta dikearapka ulih tembu kena 16 April 2016.
Sama bisi enggau ngabas palan nya kemari, Franciscan Priest Fr. Gerard Victor OFM enggau ke bukai.
2015-04-19
KUCHING: Majlis Perbandaran Padawan (MPP) minta ungkup belanja lebih ngagai perintah besai dikena ngemanahka agi sistem parit ba kandang menua ke ari baruh kaunsil nya (MPP).
Presiden SUPP Senator Datuk Dr. Sim Kui Hian madah, perintah besai patut ulih meri belanja lebih ngagai MPP beduduk ari kandang endur ke dipegai MPP tiga kali lipat besai ari MBKS enggau DBKU.
Iya madahka ngena ungkup belanja ke diberi ninting taun ngagai MPP, nya enda umbas dikena ngemanahka infrastruktur ba semua kandang menua ke dipegai iya.
“Kami begunaka saup ari perintah besai baka mantu ngemanahka sistem parit ba kandang endur Gerija Katolik St Ann ditu, laban tu ari baruh tanggungpengawa MPP,ukai gerija.
“Kami deka minta belanja ngagai opis ti bekaul baka opis entali ai enggau parit, mantu mutarka penanggul sistem parit ba kandang endur tu.
“Ambika banding dikena ngemanahka sistem parit ba kandang gerija tu aja kitai begunaka RM2 miliun, enti sistem parit tu ulih dikemanahka dia penanggul ampuh bah ngelingi gereja sereta genturung pendiau ditu ulih diputarka,” ku iya.
Dr. Sim mansutka pekara tu ba aum pengarang berita ti diatur ba Gerija Katolik St. Ann, Batu 10, Padawan ditu, ke alai dulu ari nya iya disempulang Chairman MPP Lo Khere Chiang ngabas palan baru Gerija St Ann nya kemari.
Nambahka nya, Lo dalam aum pengarang berita nya amat ngarapka MPP ulih diungkupka belanja lebih, laban belanja ke diagih ngagai MPP ninting taun enda chukup dikena ngemansang sereta mutarka penanggul ba kandang endur ke dipegai iya.
“Diatu kami amat begunaka belanja urung RM2 miliun dikena ngemanahka sistem parit ngelingi gereja tu, laban enti parit besai tu udah dikemanah, dia penanggul ampuh bah ngelingi gerija sereta genturung pendiau ditu deka teputar,” ku iya.
Ngenang pasal gerija baru St Ann nya, Lo madahka diri temegah ati ngagai semua orang ti bekaul enggau ngemajuka gerija ti udah diperambu dalam kandang semilan taun ke udah.
“Runding sereta perambu deka ngaga gerija baru tu udah bisi kenyau ari taun 2006 tang semina diatu udah nyata beduduk ari sukung enggau tulung semua nyengkaum kaban gerija tu empu ti sama enggau begigaka belanja.
“Ungkus dikena ngaga gerija baru tu iya nya RM12.5 miliun. Diatu kitai enda chukup belanja urung RM5 miliun,” ku iya seraya madahka urung 2,000 iku raban Keristin ti ngelinggi kandang endur nya besembiang ngagai gerija nya.
Gerija baru St Ann nya ti beungkus RM12.5 miliun digaga dalam timpuh 18 bulan,
berengkah digaga kena 17 September 2014 sereta dikearapka ulih tembu kena 16 April 2016.
Sama bisi enggau ngabas palan nya kemari, Franciscan Priest Fr. Gerard Victor OFM enggau ke bukai.
No comments:
Post a Comment